Google  
Wararka Subixii
Wararka Galabtii
Wararka Habeenkii

     

   Ubaxii baxaayaay - Maxamed Warsame

 

Hey’ada Aragti oo dhowaan biyo ka qeybisay deeganka Qooraseen iyo Keydar Ijaabo, oo 20 KM Gaalkacyo  qiyaastii u jira.

Guddiga Gurmadka abaaraha ayaa safaro ku soo kala bixiyay deegaanada abaaraha Gobolka Mudug.. (Daawo Sawirada).

Kulan dhexmaray Hey’adaha Q.M iyo DG  Galmudug State.
Caawi Wilkan  waxuu dhashay gacmo la'aan

Dugisga H/dhexe ee Hantiwadaag ayaa waxaa laga hirgeliyay barnaamij lagu quudinayo ardeyda   (Daawo sawirada)
somaliatoday.net
Somalidoc
Allbanadir
dhahar
Banadir-city
Jilibweyn
Hillaac.Net
Qaranka
Xamardaye
HobyoRadio
SimbaNews
Waagacusub
Mudug.com
Waayaha
wisil.org
Hiiraan
Harardheere
Onkod
MarkaCadeey
GantaalNews
Cows la fil  
Ceelbuur
Gubta
AllsomalSport
Balcad
Gedo
Somfreemedia
Somali Uk
NorSom
Qaranimo
Aflax.Net
 Boqolsoon 
Sh.A/irashid 
 Golaha
Dugsi 
Tawfiiq  
Suxayfa 
Risaala Book 
Shaafici M 
Khalid Masjid  Somaliquran  Somalisunah  Islam Web 
 
 
 
 
 
 
 
 
 
 
 
 
 

Ragga la iibsaday maxaa loo inkiray ma amaah baa lagu bixiyay BY: Xaliimo Ibrahim

Galmudug: Maamul la mahadshay.   By: Nasro Gamadiid
 
 

HobyoNet  Muqdisho. Jimco, May. 16, 2008

Ciidamada Maxaakiimta Islaamiga ayaa howlgalo isbaaro qaadid ah ka bilaabay degmeda Balcad ee gobolka Sh/dhexe iyagoona halkaasi ku dilay labo wiil oo walaalo ah oo isbaaro  u tiilay , waxyna baabiyeen ku dhawaad 20 jid gooyo oo lacag dadka iyo gaadiidka looga qaadi jiray.

Golaha Amaanka ee jimciyada qarumaha ka dhaxeysa ayaa si wada jir ah isugu raacay qaraar wax looga qabanayo xaalada adag ee Soomaaliya , waxayna soo jeediyeen in xaafiiska UNka ee Nairobi loo raro gudaha Soomaaliya.

Kooxda Al Shabaab oo shalay galinkii danbe la wareegay gacan ku haynta degmeda Diinsoor ee gobolka Baay ayaa la hadlay waxgaradka iyo dadka halkaasi ku dhaqan, iyagoo u balan qaaday in ay ka shaqeyn doonaan nabadgelyada deegaankaas waxayna albaabada u laabeen goobo lagu daawado aflaanta.

HobyoNet  Muqdisho. Khamiis, May. 15, 2008

War Kooban= Qarax si weyn looga maqlayay qeybo badan oo ka tirsan magaalada Muqdisho ayaa duhurnimadii maanta lala beegsaday gaari nooca tiknikada ah oo ay la haayeen ciidamada Booliska Soomaaliyeed agagaarka hotel Ambasdor, waxaana halkaasi ku baabay gaarigii iyadoo aan la ogeyn qasaaraha ciidamada saarnaa ka soo gaaray sababo rasaas aad u badan oo ay ridayeen ciidamada booliska .

Mid ka mid ah gaadiidka dagaalka oo noociisu yahay Cabdi Bile iyo ciidamo  ka tirsan dowlada KMGah ayaa saakay isku soo dhiibay kooxaha muqaawamada, waxaana maanta lagu arkayay qaar ka tirsan wadooyinka magaalada Muqdisho  isagoo hadba dhinaca u mushaaxaya raga saarana ay takbiirsanayeen.

Hey’adda SCDO ayaa mashaariic waxbarasho oo lacag la’aan ah ka hirgelisay degmooyinka Gaalkacyo iyo Wasil ee dowlad goboleedka Galmudug State

Cutubyo ciidamo Itoobiyan ah ayaa saakay howlgalo baaritaano ah ka bilaabay xaafadaha Towfiiq iyo Juungal ee degmeda Yaaqshid , waxayna halkaasi ka qabqabteen culumaa'udiin ku jirtay masjid halkaas ku yaala .

Golaha odayaasha dhaqanka beelaha Hawiye ayaa rajo xumo ka muujiyay shirka  dibu heshiisiinta ee ka socda magaalada Jabuuti , iyagoo ku eedeeyay dadka shirka qaban qaabiyay kuwa aan rabin nabad ka hirgasha dalka Soomaaliya.

HobyoNet  Muqdisho. Arbaco, May. 14, 2008

Hal qof oo rayid ah ayaa manta ku geeriyooday mid kalana waa ku dhaawacmay rasaas ay ku fureen labo ka tirsan ciidamada dowlada gaari rakaab ahaa oo marayay wadadda EXcontrol Afgooye ee magaalada Muqdisho.

Madaxa wafdiga Isbahaysiga dibu xoreynta Soomaaliyeed uga qeybgalaya shirka Jabuti C/raxmaan C/shakuur ayaa waxba kama jiraan ku tilmaamay hadalkii uu saxaafada siiyay Shiikh Yuusuf Indha Cadde ee ku aadanaa shirka magaalada Jabuti.

Madaxweynaha Ereteria ayaa ka dhawaajiyay in Soomaaliya ay ku jirto gumaysi cusub oo uu hogaaminayo dalka Maraykanka , waxuuna beeniyay in gudaha dalka Soomaaliya ay joogaan waxa loogu yeero argagixisada caalamiga ah.

HobyoNet  Muqdisho. Talaado, May. 13, 2008

Xoghayha gaashaandhiga isbahaysga dibu xoreynta Soomaaliyeed Shiikh Yuusuf Maxamed Siyaad (Indha Cadde) ayaa ku tilmaamay shirka Jabuti inuu yahay mid lagu wiiqayo guulaha mujaahidiinta gudaha joogta.

Cidamada Itoobiyaanka ayaa fariisimo cusub ka sameystay xarunta maamulka gobolka Hiiraan , iyagoo saakayna qabqabtay 14 nin oo ka tirsan culumaa'udiinka loo yaqaano Al Tabliiq inkasoo markii danbe ay sii daayeen.

Nin ku hubaysan bistoolad ayaa saakay dhaawacay macalin dugsi quraan ku hayay degmeda Shibis ee gobolka Banaadir, xili ninkaasi uu ku jiray fal isbaaro ah,

Dhaqdhaqaaqa Al Shabaab ayaa la wareegay gacan ku haynta degmeda Bardaale ee gobolka Baay halkaasoo maamulkii ka arimin jiray ay isaga soo carareen cabsi daraadeed , waxayna dadweynaha ugu baaqeen inay is dajiyaan iyagoo balan qaaday in nabad lagu soo celin doono magaalada.

Masuuliyiinta dowlada KMGah ayaa ugu baaqay isbahaysiga dibu xoreynta Soomaaliyeed inay ogolaadaan shuruud la’aan inay ka qeybqaataan wadahadalada shalay laga furay magaalada Jabuti.

HobyoNet  Muqdisho. Axad, May. 11, 2008

Wakiilka gaarka ah xoghayaha guud Q/M u qaabilsan Soomaaliya Ahmed Oulad Abdallah ayaa la filayaa maanta inuu la kulmo isbahaysiga dibu xoreynta Soomaaliya si uu ugu riixo inay ka qeybqaataan shirka Jabuuti.

Waxaa qadar sacaado ah saakay xirnaa isku socodka gaadiidka iyo dadka isticmaala wadada Maka Al Mukarama , iyadoo la arkayay ciidamada dowlada oo isku fidiyay wadadaasi waxaana ay diideen dhamaan dhaqdhaqaaq, inklastoo markii danbe ay wadada furantay.

HobyoNet  Muqdisho. Sabti, May. 10, 2008

5 askari ayaa manta ku geeriyootay iska horimaad ku dhexmaray kolonyo baabuur ah oo uu lahaa wasiirka maaliyada iyo kooxaha diidan joogitaanka ciidamada shisheeye meel u dhaxaysa Yaaq Bariweyne iyo degaanka Leego ee gobolka Sh/hoose. Iyadoo kooxaha wax weeraray aya halkaasi ku qabsadeen labo tikniko ah.

Gudoomiyaha Isbaheysiga dib u xoreynta Soomaaliyeed Sh.Shariif ayaa sheegay inaysna wada haal la yeelan doonin dowladda haseyeeshee ay la kulmi doonaan ergo ka socota Q.M.

Gudoomiyihii Maxkamada Racfaanka  Gobolka Hiiraan ayaa is casilay  xilli ay sii kordheen rabshadaha iyo qalalaasaha ka taagan gobolkaasi

HobyoNet  Muqdisho. Jimco, May. 09, 2008

War deg deg ah: Dagaal xoogan ayaa goor dhow ka dhacay isgoyska Folerance  ee Xaafada Xararyaale ee Magaalada Muqdisho. (La soco wararkeena dambe)

Israsaaseyn xoogan aya axalay ka dhacday magaalada boosaaso , taasoo dhexmartay ciidamada maamulka Puntland iyo maleeshiyo beeleed.

Gudoomiyihii Gobolka Hiiraan Yuusuf Dabada ayaa dib ugu soo laabtay deegaanka Janta Kundisho, isagoo ku sii jeeda Xarunta goblkaasi ee B/weyne.

HobyoNet  Muqdisho. Khamiis, May. 08, 2008

Xaflad si heer sare loo soo agaasimay oo lagu caleemo saarayay suldaanka beesha Shiikhaal Looboge ayaa manta ka dhacday hoteelka Shaamoow ee magaalafda Muqdisho.

Magaalada Baydhabo ayaa Waxaa Maanta ka soconaya Mooshin ay Waadaan Qaar Ka mid ah Mudanayaasha Baarlamanka oo ka dhan ah Ra’iisul wasaare Nuur Xasan Xuseen (Nuur cadde).

Dowlada Kenya ayaa xirtay isla markaana Ciidamo fara badan ku soo daadisay Xuduuda ay Kenya la wadaagto Gobolka Gedo ee Dalka Somalia.

Xaflad balaaran oo lagu maamuusayay soo dhaweynta  Gudoomiyaha Cusub  Baarlamaanka Dowlad Gobaleedka Galmudug, ayaa shalay lagu qabtay Xarunta Dowladaas ee Magaallada Gaalkacyo.

Imtixaanka shahaadada dugsiga dhaxe ee AlSHACAB iyo islamarkaas xaflad lagu furayay ayaa ka dhacday Xarunta  Dugsiga sare h/dhaxe AlSHACAB, Magaalada Gaalkacyo ee Dowlad Gobaleedka Galmudug.

HobyoNet  Muqdisho. Isniin, May. 05, 2008

Wararka ka imaanaya magaalada Jowhar ayaa sheegaya in Ciidamadii Itobiyaanka ee halkaasi  shalay gaaray e markale dib uga soo baxeen.

Ergeyga Q.M u qaabilsan arrimaha dalka Soomalaiya ayaa la yeeshay wadahadal , Males Zanawi, kaasoo ku saabsan xal u helida xaalada dalka Soomaaliya, oo cirka isku sii toshay kaddib imaanshihii Ciidamada Itoobiya.

Qeybo kala duwan oo ka mid ah xaafadaha iyo Suuqyada waa weyn ee magaalada Muqdisho ayaa saakay waxaa ka bilowday dibadbaxyo lagaga cabanayo kala saaridda iyo diidista Lacagaha Kunka Shilin.

HobyoNet  Muqdisho. Sabti, May. 03, 2008

Duqeynta Mareykanka uu ka geestay magaalada Dhuusamareeb ayaa waxaa lagu tilmaamay in ay carqaladeyn karto wadahadaladii bilowga ahaa ee u dhexeeyay xukuumada iyo Isbaheysiga Asmara.

Dadweynaha Magaalada Gaalkacyo ee Galmudug State ayaa cambaareeyay falkii ciidamada Itoobiya loogu gacan geliyay muwaadiniin Soomaaliyeed oo aan waxba galabsan.

Ciidamo Ethiopian ah ayaa Saaka Baaritaano ka Sameeyay Qeeybo ka mid ah wadada Warshadaha ee Magaalada Muqdisho, iyadoo arrintaasina ay hakad galisay Isku socodka Dadka iyo Gaadiidka ee Wadadasi.

HobyoNet  Muqdisho. JImco, May. 02, 2008

Mas’uuliyiin ka tirsan Maammulka Galmudug ayaa  cambaareyn u soo jeediyay shaqsiyaad maamulka Puntland u gacan geliyay dowladda Itoobiya, kuwaasi oo ay ku tilmaameen in ay ka tirsan yihiin Ururka ONLF.

HobyoNet  Muqdisho. Arbaco, April. 30, 2008

Guddiga Gurmadka Abaaraha waxa uu raashin gaarsiiyay wajigii labaad ee qaybinta mucaawimada dadka ay saameynta balaaran ku yeelatay Abaaraha ka jira Goballada mudug iyo Galgaduud.

Qarax miino ayaa saakay lagu qaaday gaari booyad ah, oo ay lee yihiin ciidamada Itoobiyaanka ee fariisinka ku leh Magaaalada Baydhabo ee gobolka Bay.

Kooxo hubeysan ayaa xalay ku dilay magaalada B/weyne Taliyihii ciidamada Militeriga Gobolka Hiraan G/sare C/laahi Faarax Juuni xilli uu ku sugnaa guriigisa.

HobyoNet  Muqdisho. Talaado, April. 29, 2008

War deg deg ah: Iska hor imaad ayaa goor dhow ka bilowday agagaarka fagaaraha Tarabuunka, Degmadda Hodan ee magaalada Muqdisho.

Ugu yaraan 10 qof ayaa ku geeriyootay, tiro kalana waxaa ka soo gaaray dhaawacm kaddib  Dagaal ka dhacay shalay gelinkii dambe  tuulooyin hoosyimaado Degmada Luuq ee gobolka Gedo.

Qarax ayaa loogu geestay mid ka mid ah gawaarida ciidamada Itoobiyaanka agagaarka kuliyadii hore ee Jaale Siyaad ee magaalada Muqdisho.

Kooxo hubeysan ayaa xalay toogasho ku dilay mid ka mid ah saraakiisha ciidamada dowladda KMG ah, gudaha degmada Shibis ee magaalada Muqdisho.

War kooban: Ciidamadii canshuuraha ee deganaa Siinka dheer ayaa waxaa halkaasi ka wareejiyay ciidamo Itoobiyaan ah , kuwaasi oo hubkiina ka qaatay, haseyeeshee sababta rasmiga ah ee ka dambeysa weli lama shaacin

HobyoNet  Muqdisho. Isniin, April. 28,  2008

3 qof ayaa ku dhaawacmay qarax Bam , oo lagu tuuray Isgoyska Siinaay, degmada Wardhiigley ee Magaalada Muqdisho xilli ciidamada ay ku mashquulsanaayeen lacago ay ka qaadayeen gaadiidka dadweynaha .

Ciidamada Maxkamadaha Islaamka ayaa xalay ku dilay magaalada Jowhar kooxo hubeysan oo lagu eedeeyay falal burcadnimo ah.

Kaddib weeraro xalay lagu qaaday fariisimaha ciidamada Itoobiya gaar ahaan Warshadii hore ee Baasatada ayaa waxa ay bilaabeen saakay aroortii in ay sameeyaan baaritaano.

Cilmi Saneey Qaasin, oo ahaa Gudoomiyihii Degmada Baladweyne, ayaa xilkii maamul uu ka hayay degmadaasi iska casilay. 

Hey’ada Aragti Relief Development Organization ayaa dhowaan gaarsiisay biyo qeybin deegaanada Qooraseen iyo Keydar Ijaabo oo magaalada Gaalkacyo  qiyaastii u jira 20 KM.

HobyoNet  Muqdisho. Axad, April. 27,  2008

Iska hor imaad xoogan ayaa  xalay saqdii dhexe ka dhacay  agagaarka xarunta Villa Baydhabo ee magaalada Muqdisho, waxaana ku geeriyooday 13 qof  oo 7 ka tirsan yihiin saraakiisha ciidamada dowladda federalka.

Wararka ka imaanaya magaalada Jowhar ayaa sheegaya in gacan ku heynta magaaladasi ay la wareegeen ciidamo taabacsan Maxkamadihi Islaamka.

Jaaliyada Soomaalida ee dalka Sweden ayaa ka baroordiiqday dilkii loogu geestay culimada Tabliiqa Masjidka Alhidaaya ee magaalada Muqdisho.

Qoysaska miyiga Gobolka mudug ee abaaraha ku dhufteen ayaa bilaabay in ay u roob raacaan deegaano kale oo roob ka da'ay  oo isla gobolka ka tirsan, kuwaasi oo  helay xoogaa roob ah.

Guddiga Gurmadka Abaaraha ayaa biyo dhaamnin ka sameeyay deegaanadda Jilable, kalcad iyo Galcadale oo ka tirsan Gobalka Mudug.

Gudiga Gurmadka abaaraha ayaa Gurmad taakuleen ah tii ugu horeesay Gaarsiiyay Deegaano katirsan Goballada Mudug iyo Galgaduud ee Dowlad Gobaleedka Galmudug tan iyo Markii la dhisay Gudiga Gurmadka Abaaraha oo dadaal dheer ugalay ugurmashada dadka ay dhibaatooyinka abaaraha dabada dheeraaday ee ku habasaday deegaanadaas.

Kulan ballaaran oo ay isugu yimaadeen Odayaasha dhaqanka Dowlad Gobaleedka Galmudug iyo Gudiga Gurmadka Abaaraha ayaa maanta ku dhex maray xarunta odayaasha Guurtida ee magaallada Gaalkacyo.

Guddiga Gurmadka Abaaraha waxey mahadcelin u jeedinayaan jaaliyada Canada ee Toronto sida deg deg ah ay ugu soo gurmadeen dadka ay asiibeen abaaraha , soona gaarsiiyeen dhaqaale lacageed.
       Wararka Gal-mudug

Kulan looga Arinsanay Xaalada Abaaraha Ka jirta Deegaano farabadan oo katirsan Galmudug Sate, sida Gobalka Mudug iyo Galgaduud ayaa waxa uu ka dhacay Xarunta Qaramada Midoobay ee ku leedahay Magaallada Gaalkacyo.

Shirar gooni gooni ah oo looga hadlay arrimaha Amniga iyo Abaaraha ayaa maanta lagu qabtay xarunta dowlad goboleedka Galmudug state ee magaallada Gaalkacyo

Shir looga hadlay wax ka qabashada dhibaatooyinka abaaraha ka dilaacay deegaanada hoos yimaada dowlad goboleedka Galmudug State ayaa  lagu qabtay xarunta maamulkaasi ee magaalada Gaalkacyo.

Xaflad lagu maamuusayay dhalashada Nabi Maxe’ed (scw) ayaa shalay Galab ka dhacday Xarunta dugsiga H/dhaxe Cabdulahi Ciise Magaallada Gaalkacyo ee Dowlad Gobaleedka Galmudug.

Odayaal dhaqameedyada Galmudug state iyo puntiland ayaa kulan balaaran ku yeeshay magaalada Gaalkacyo ee Galmudug Sate, iyagoo ka wada hadlay nabadgalyada Magaalada Gaalkcyo.

Munaasabad loogu dabaal-degay xuska maalinta Qaaxada  aduunka ee 24 March ayaa lagu qabtay Isbitaalka Magaalada Gaalkacyo ee maamul goboleedka Galmudug State.

Waxaa maalinimadii shalay aheyd oo taariikhdu ku beegneyd 06/02/2008 lagu soo gabagabeeyay dugsiga hoose/dhexe ee Hantiwadaag imtixaankii Sanad dugsiyeedka 2007/2008 (Daawo Sawiradda)

Shir ay isugu yimaadeen ururka  haweenka maamul goboleedka Galmudug state ayaa  ka dhacay xarunta ururkaasi ee magaalada Gaalkacyo waxaana ka soo qeybgalay marti sharaf lagu casuumay(Daawo sawirada)

Xaflad lagu furayay dhismaha saldhig Boolis  iyo dugsi waxbarasho oo ay hirgalisay hey’adda UNDP ayaa shalay lagu qabtay  xarunta dowlad goboleedka GalMudug Magaaladda Gaalkacyo  iyadoo ay ka soo qeybgaleyn masuuliyiinta GalMudug iyo saraakiil ka  Socotay Qaramada Midoobay sida UNDP iyo UNOCHA (Daawo Sawirada)

Ciidanka booliska dowlad goboleedka GalMudug oo kaashanaya ganacsatada iyo dadwaynaha reer Gaalkacyo ayaa burburiyay goobo ganacsi oo si sharci daro ah looga dhisay wadada hareeraheeda, iyadoo maalintii lixaadna uu socodo ololahii nadaafada magaalada Gaalkacyo (Daawo Sawirada)..

Mas’uuliyiin ka tirsan Dowlad Gobaleedka Galmudug, Jaaliyadaha dibedda , howl wadeeno Ka yimid Magaalada Muqdisho ayaa shalay subax kormeer ku tagay  Dugsiyada Waxbarshada Magaalada Gaalkacyo ee Dowlad Goboleedka Galamudug.(Daawo sawirada)

Dadweynaha Gaalkacyo oo u istaagay wax ka qabshada bilicda Magaalada Gaalkacyo, iyadoo maalintii afaraad ay howl ka socoto lagu nadiifinayo wadooyinka waa weyn magaaladaasi. ( Daawo Sawirada )

Xubno ka tirsan Jaaliyada Dibedda iyo Ergo ka socota Magaalada Muqdisho ayaa maanta shir ku qaatay Guriga Guurtida Dowlada Goboleedka Galmudug State ee Magaalada Gaalkacyo. (Daawo Sawirada)

Wafdi Balaaran Oo uu Hogaaminayay Gudoomiyaha Gobalka Hobyo Maxamed Axmed Caalin ayaa Maanta u ambabaxay Gobalka Hobyo ee Dowlad Goboleedka Galmudug.

Shir Looga hadlayay  dardar galinta  Howlaha  D/Goboleedka G/Mudug State ayaa  ka dhacay xarunta Dowlad Gobaleedkaas ee Magaalada Gaalkacyo, waxaana shirkaasi ka soo qeyb galay Waxgarad ka kala  socday Jaaliyadaha Dibedda iyo gudaha.(Daawo sawirada)

Imtixaanaadka Sanad Dugsiyeedka 2007-2008 ayaa ka biloowday Magaalada Gaalkacyo ee Dowlad Gobaleedka Galmudug, iyadoo ay ka qeyb qaadanayaan dhamaan ardeyda Dugisyada H/dhexe iyo Sare. (Daawo Sawirada)

 

 

 

 

 
Halkan riix si aad HobyoNet.Com uga dhigato Bogga Hore!

Tuulada Ceel dibir oo ay ka socdaan howlo waxbarasho iyo caafimaad ayaa waxaa lagu wadaa in laga hirgeliyo Mashruuc biyo gelin iyo koronto casri ah (Solar System)

Dhowrkii sanno ee Ugudambeysay waxaa aad u soo kordhay Tirada Ardayda Wax ka barata Dugsiyada Hoose/dhexe  Magaalada Gaalkacyo oo xarun u ah dowlad Goboleedka Galmudug State. (Daawo Sawirada)

Warbixin ku saabsan Dhismaha Isbitaalka Qaaxada ee Gawaan Tubercolosis Center.  By: M. Saadaq Sheekh Max'ud

Abaaro iyo biyo la'aan ayaa ku dhuftay deegaano hoos yimaado dowlad goboleedka Galmudug xilli Ayax fara badan lagu arkay deegaanadaasi .

Wax qabadka caafimaad ee Isbitaalka magaalada Gaal-kacyo ee xarunta dowlad goboleedka Gal-mudug State, ayaa si aad ah u kordhay, iyadoo bukaanada, oo isbitaalka uga yimaada gobolada dhexe, Waqooyi Bari iyo Kilinka 5aad ee Itoobiya, ay helaan daawooyin lacag la'aan ah. Daawo sawirada isbitaalka 

Magaalo Madaxda dowlad Goboleedka Gal-Mudug State ee Gaalkacyo, oo si weyn u ballaaraneysa, ayaa waxey horumar ka sameysay xaga dhaqaalaha, waxbarashada iyo Caafimaadka. Daawo sawirada 

 

Ku simaha  M/weynaha Galmudug State  C/samad Nuur  Guuleed ayaa  ka warbixiyay Waxqabadka Maamulka Galmudug State, (Dhageyso Wareysiga) 

Wasiirka Arrimaha Gudaha Dowlad Goboleedka Galmudug State Muxidiin Macallin Cali ayaa sheegay in ay guul  gaareen mudadii uu jiray Maamulka Galmudug State (Dhageyso Wareysiga oo faahfaahsan)

Gud. Magaalada Hobyo ee dowlad goboleedka Galmudug State Max'ed Axmed Caalin ayaa faahfaahin ka bixiyay xaalada guud ee magaaladaasi , isagoo sheegay in Magaalada oo qadiim ah aysan dowladihii hore wax la taaban karo ka qaban, dhawaana rajo laga qabo in dib loo furo dekadda Hobyo. 

Xaflad, si heer sare ah loo soo agaasimay, laguna soo dhaweenayay shaqaalaha MSF-Holland ee ka howlgala isbitaalka Magaalada Galkacyo, ayaa lagu qabtay isbitaalkaasi Daawo Sawirada 

Munaasabad lagu dhagax dhigayay isbitaal cusub oo loogu tala galay Degmada bandiiradley  ee dowlad Gal-mudug State, ayna ka soo qayb galeen mas'uuliyiin iyo dadweyne aad u farabadan, ayaa shalay lagu qabtay deegaankaasi.

Agaasimaha Isbitaalka Magaalada Gaalkacyo Dr Max'ed Cabdi Axmed ayaa ka warbixiyay