Graphics&Arts by Cabdirisaaq CaddeDiyaariye : Cabdulqaadir Axmed Colaad
Cali shiddo Cabdi ayaa sheegay in Halgamaa C/laahi Ciise uu ahaa Geesi aan ka libiqsan danta iyo xuriyad gaarsiinta umadda Soomaaliyeed iyo sidii ay isaga tuuri lahayd Heeryadii Gumeysa.
Sidoo kale waxaa xuska Halgamaa C/laahi Ciise Khudbado kale duwan ka soo jeediyay Xubno isagu jira Siyaasiyiin iyo aqoonyahano soomaaliyeed oo ka waramay Taariikhda lama ilaabaanka ah ee halgamaa C/laahi Ciise ku Lee yahay Umada Soomaaliyeed iyo Caalamkaba.
Halgame C/laahi Ciise maxamuud waxa uu ku dhashay Degmada Afgooye sanadkii 1922kii,Aabihii waxa uu geeriyooday isagoo yar waxaana soo korisay Hooyadii oo la oran jiray Mareero Diini.
Halgame C/laahi Ciise waxa uu Dugsiga Qur’aanka iyo Wabaxashada Dugsiga Hoose iyo dhexe ku qaatay magaalada Muqdisho.Sanadkii 1938 waxa uu ka qalinjabiyay Dugsiga sare ee taliyaaniga wuxuuna noqday maamule Xafiis.
